واحد لقى 5 شيكل على الارض

هاي عليكووو كيفكوووو شووو عاملين ؟؟؟ واحد لقى 5 شيكل !!!

مرة واحد لقى خمسة شيكل بالارض قام قال شو اعمل فيهن اروح اجيب فيهن علبة كولا واشربها ولا اركب فيهن بالباص
قام قال خلينا نحسبها اذا ركبت بالباص يمكن اقعد ويمكن اوقف واذا قعدت يمكن اقعد بحد الشباك ويمكن عالطرف واذا قعدت يمكن تقعد بحدي بنت ويمكن زلمة واذا قعدت بحدي بنت يمكن تطلع حلوة ويمكن تطلع بشعة واذا طلعت حلوة يمكن تكون مرتبطة ويمكن لا واذا ما كانت مرتبطة يمكن اسير احبها ويمكن لا واذا سرت احبها يمكن احكيلها ويمكن لا واذا حكيتلها يمكن تحبني ويمكن لا واذا حبتني يمكن احكي لاهلي يخطبوها ويمكن لا واذا حكيتلهم يمكن يرضو ويمكن لا واذا رضيو يمكن اهلها يرضو ويمكن لا واذا رضيو يمكن تزبط ونخطب ويمكن لا واذا خطبنا يمكن نكمل ونتجوز ويمكن لا واذا اتجوزنا يمكن نخلف ويمكن لا واذا خلفنا يمكن يكون معنا مصاري وندخلو المدرسة ويمكن لا واذا كان معنا ودرسنا يمكن يكون شاطر ويمكن لا واذا كان شاطر يمكن يدخل جامعة ويمكن لا واذا دخل جامعة يمكن يصاحب شباب يخلوه ينحرف ويمكن لا ، فسكت شوية وقال اي هي طويلة الشغلة ما اكيد يمكن يعلمو عالصياعة !!!اي خلينا نروح نجيب كولا بلا من هالمقت كلو...

هاد ع 5 شيكل هيك فكر اذا لقى 100 شيكل شووو ممكن يفكر فيه
اكيد حيشتري فيه بيت هع

ihope you like